رنا سماحة ترد على تصريحات زيزي عادل حول ستار اكاديمي: كنا بنصلّي داخل الأكاديمية

ردت الفنانة المصرية رنا سماحة على تصريحات زميلتها الفنانة المصرية المعتزلة زيزي عادل حول برنامج "ستار اكاديمي" الذي كانتا شاركتا فيه من قبل وان بمواسم مختلفة، خصوصاً ان الاخيرة كانت هاجمت البرنامج كاشفت عن وجود كاميرات في الحمامات.
وقالت سماحة في تصريحات محلية:" الإدارة والقواعد كانت بتختلف من موسم لموسم، ولكنهم كانوا بيأكدوا علينا عدم ارتداء ملابس مكشوفة على المسرح. مفيش حاجة اسمها كاميرات في الحمّام سواء في الموسم اللي شاركت فيه أو أي موسم آخر، الأحواض فقط اللي عليها غسيل الإيد كان بيها كاميرات، أما الحمّامات بالداخل فلا يوجد بيها كاميرات".
وأردفت بالقول: "التجربة بالنسبة لأي حد مهمة، لأن برنامج "ستار أكاديمي" كبير ومهم ومفيش حد شارك فيه إلا والمكان أضاف له. اللي شايف إن البرنامج ضد عاداتنا والمجتمع والمبادئ والأخلاق ما يدخلوش من الأول، إحنا جمهورنا من كل العالم سواء في الشرق الأوسط أو بره الشرق الأوسط وفي مجتمعات منغلقة أكتر مننا كانوا متابعين للبرنامج".
واختتمت رنا سماحة حديثها مؤكدةً: "إنت اللي هتفرضي على الناس صورتك تظهر بأي شكل، هل هتكوني مثال جيد للبنت العربية ولا مثال سيئ والناس تقول ما تمثلناش وأكيد في فروق من شخص للتاني. كلنا رغم اختلاف دياناتنا كنا بنصلّي داخل الأكاديمية".