ياسمين عز تثير الجدل برسالتها لـ شاكيرا: كفاية تلقيح على بيكيه النهايات اخلاق

اثارت الاعلامية المصرية ياسمين عز جدلا واسعا بسبب رسالة وجهتها للنجمة الكولومبية من اصل لبناني شاكيرا تعليقا على خلافاتها مع حبيبها السابق لاعب كرة القدم الإسباني جيرارد بيكيه بعد انفصالهما، وتحديداً بسبب اغنيتها الجديدة التي اكد الكثيرون انها تهاجمه فيها.
وضمن حلقة يوم امس من برنامجها "كلام الناس"، قالت عز:"أنا مقدرها وجعها، شاكيرا نجمة النجوم وعندها معجبين من العالم كله، بس الست ست مهما كانت هي مين أو معاها إيه، التلقيح أحيانًا بيكون شكل من أشكال الوجع والألم والندم على الانفصال".
وتابعت:"أنا ليا أكتر من عتاب على شاكيرا، أنتوا خلاص سيبتوا بعض خلاص سواء إنتي الغلطانة أو هو الغلطان، ولادكم ملهمش ذنب تبقى سيرة أبوهم وأمهم على لسان الناس كل يوم، مينفعش ساشا ابنك الصغير يروح مدرسته الصبح وزملايه يتريقوا عليه ويقولوا يلا يالي مامتك بتقول على باباك كذا كذا في الأغنية".
وأكملت: "إنتي وقت الانفصال قلتي إحنا انفصلنا عشان مصلحة ولادنا، فهل من مصلحتهم يبقى العالم كله بيتكلم على أبوهم بالطريقة دي، ولا عشان الراجل ساكت تفضلي تلقحي عليه وتهاجميه في الرايحة والجاية، النهايات أخلاق يا شاكيرا، مش كده، الراجل عشرة وعيش وملح 12 سنة".